Астана. 18 қараша. 7kun.kz – Ресейде 71 жастағы Қазақстан азаматы ұсталды. Ол 8 алаяқтық әрекеті үшін 8 жыл бойы халықаралық іздеуде болды, деп хабарлайды 7kun.kz.

Маңғыстау облысы ПД баспасөз қызметі мәліметінше, 2010 жылғы сәуірде ол жалған құжаттарды пайдаланып, Мұнайлы ауданындағы банкте кепілде тұрған жер телімін 1,5 миллион теңгеге жәбірленушіге сатып жіберген. 2010 жылғы маусым айында ол сол жәбірленушіге жалған құжаттары бар жер телімін 4,5 миллион теңгеге сатып жіберген.

Әйелдің алаяқтық әрекетінен 74 адам зардап шекті , келтірілген материалдық шығын 50 миллион теңгеден асты. Полицейлер күдіктіні уақытша ұстау изоляторына жеткізді. Тергеу амалдары жүргізілуде.