Ресей орталық банкі жеке тұлғаларға валюта сатып алғанда комиссия енгізілуін банктермен бәсекелестік деп түсіндірді, деп хабарлайды 7kun.kz.

Ресей орталық банкінің хабарлауынша, жеке тұлғаларға биржада валюта сатып алғанда енгізілетін 30% комиссия, брокерлер мен банктер арасындағы бәсекелестікті теңестіреді.

Брокерлердің айтуынша, Ресей Банкі оларға 3 наурыз сағат 9:00-ден бастап жеке тұлғалар қор биржасында доллар, еуро және фунт стерлинг сатып алғанда кем дегенде 30% комиссия алу туралы қаулы жариялапты.

 «Брокерлер жеке тұлғалардан қор биржасында валюта сатып алғанда алуы тиіс 30% комиссия, банктер мен брокерлер арасындағы бәсекелестік шарттарын теңестіреді. Өйткені банктер валюта сатып алу және сату бағамдары арасындағы спредті қолдана алады», - деді орталық банк өкілдері.