Алматы. 14 қараша. 7kun.kz — 2019 жылдың үш тоқсанында ағаш және тығын бұйымдарының өндірісі 16,3 млрд теңгені құрады, өнеркәсіп өндірісінің индексі өткен жылдың сәйкес кезеңіне қарағанда өндірістің төмендегенін көрсетті — барлығы 97,1%. Бір жыл бұрын өндіріс 15,5 млрд теңгені, ал өнеркәсіп өндірісінің индексі 101,7%-ды құрады. Мұндай деректерді EnergyProm ұсынды.

Жалпы, 2018 жылы сектордағы шығарылым көлемі 23,7 млрд теңгені, ал 2017 жылмен салыстырғанда өнеркәсіп өндірісінің индексі — 138,4%-ды құрады.

ҚР өңірлері арасында ағаш және одан жасалған бұйымдар мен тығындар өндірісі бойынша ШҚО көшбасшы: 3,6 млрд теңге.

Екінші және үшінші орындарды тиісінше Алматы қаласы (3,2 млрд теңге) және Қостанай облысы (3,1 млрд теңге) иеленді. Павлодар облысында өндіріс көлемінің айтарлықтай өсуі байқалды: 2 еседен астам, 1,7 млрд теңгеге дейін.

Табиғи көріністе ағаш терезелер мен есіктерді шығару 3,1%-ға, 3,9 млн шаршы метрге дейін қысқарды. Сондай-ақ, кесілген, жарылған және пішілген ағаш материалдары мен темір жол және трамвай ағаш шпалдары өндірісі теріс нәтижені көрсетті: 1,4%-ға, 925,9 мың текше метрге дейін.

Бұл ретте ағаш ыдысы өндірісінің айтарлықтай өсуі тіркелді: бір жыл ішінде 16,6%-ға, 2,1 млрд теңгеге дейін. Ағаштан жасалған өзге бұйымдар 13,6%-ға, 826,9 млн теңгеге дейін ұлғайды.

Өңделмеген ағаш өндірісі кәсіпорындарының бағасы 2019 жылдың үшінші тоқсанында 0,3%-ға өсті.

Сонымен қатар, қылқан жапырақты ағаштардың бөренесі 0,3%-ға, жапырақты ағаштардың бөренесі 0,7%-ға төмендеді; сондай-ақ, аралауға арналған дөңгелек ағаш материалдары да арзандады - қылқан жапырақтылар (0,4%-ға), жапырақтылар (0,8%-ға).