РФ 2015 жылы астық жинауды 3,2%-ға, яғни 100,5 млн тоннаға дейін төмендетеді деп хабарланады Экономика және даму министрлігінің 2015 жылға арналған  әлеуметтік-экономикалық даму болжамында.

Бұл "0,6 млн га аумақтағы күздік дақылдардың қанағаттанарлық емес жағдайына байланысты олардың жиналуы төмен болу мүмкіндігімен" байланысты деп нақтыланады құжатта. Көшпелі бидай қорларын 30%-ға арттыру ішкі тұтыну (71 млн тонна), сондай-ақ экспорттық жеткізілімдер (шамамен 30 млн тонна) көлемін 2014 жылдың деңгейінде сақтап қалуға мүмкіндік береді. "2014 жылы бидай нарығындағы жағдай жағымды болды, бұған ауыл шаруашылығындағы жақсы өнім себептесті. Алайда бидай бағасы төмендеуін тоқтатпай, тоннасы үшін $261 болды", - деп айтылады хабарламада. Келер жылдары тұтыну өндіруден аз ғана асып тұратын болады, алайда баға өсімін айтарлықтай өтпелі қорлар тежейді. Болжамның базалық нұсқасына сәйкес, 2015 жылы бір тонна бидайдың бағасы $248 болуы мүмкін, бұл көрсеткіш 2014 жылғы деңгейден 5%-ға төмен. Экономика және даму министрлігі қант қызылшасының өндірісі 2014 жылдың деңгейінде қалады деп болжам жасап отыр - 32,7 млн тонн. "Қант саласының импорттық ресурстардан тәуелділігі несиелерді алудағы қиындықтардың аясында егіндік алқаптардың қысқаруына әкеліп соқтыруы мүмкін", - деп айтылады құжатта. Осы себепті шикі қанттың импорттық жеткізілімдері 22%-ға өскен жағдайда қызылша қантының өндірісі 7%-ға, яғни 4,2 млн тоннаға дейін төмендеуі мүмкін. 2015 жылы күнбағыс өндірісі 6,2%-ға, 9,3 млн тоннаға дейін артпақ. Ағымдағы макроэкономикалық жағдайда, айырбастау бағамының қолайлылығына байланысты күнбағыс өндірісі мен экспортын үдетуге оңтайлы жағдайлар туындап тұр деп есептейді құжат авторлары. Болжамға сүйенсек, 2015 жылы картоп өндірісі 0,4%-ға, 31,2 млн тоннаға дейін, көкөністердің өндірісі 0,8%-ға, 15,1 млн тоннаға дейін артады.