ҚР Президенті Протоколының бұрынғы басшысы Румиль Тауфиков Алматы әкімінің орынбасары болып тағайындалды деп хабарлайды Tengrinews.kz.

Алдағы уақытта Р. Тауфиков мемлекеттік бағдарламалар, төтенше жағдайларды алдын алу және ескерту, қаланың азаматтық қорғанысы, электрлі көлік, жол қозғалысы ережелерін қамтамасыз ету және әкімдіктегі арнайы құрылған ведмоствоаралық комиссияның құқық бұзушылықты реттеу істерімен айналысады. Еске салайық, 20 қазан күні Мемлекет басшысының бұйрығымен Румиль Тауфиков ҚР Президенті Протоколының бастығы қызметінен босатылған еді. ҚР Президенті Протоколының бастығының міндетін уақытша атқару Румиль Тауфиковтың орынбасары Тимур Пірімбетовке тапсырылды. Сондай-ақ, Бауыржан Байбек 2006-2009 жылдар аралығында ҚР Президенті Протоколының бастығы қызметінде болғанда Р. Тауфиков оның орынбасары қызметін атқарды.