"Мемлекеттік грантқа ие бола алмай қалған "Алтын белгі" иегерлеріне таңдаған мамандықтарына байланысты грантар беріліп немесе демеуші-кәсіпорындардың есебінен оқитын болады. Оқу жылы басталғанға дейін барлық "Алтын белгі" иегерлеріне грант табыс етіледі", - дейді министр Аслан Сәрінжіпов. Ведомство басшысы тамыздың соңында иегерлерге гранттар берілетінін айтты. "25 тамызға дейін құжаттар қабылданады. Осы жылы 30 мыңдай грант бөлінді, байқаулар өтті, енді 25 тамыз күні бұйрықтарға қол қойылады", - деген уәде берді министр. 20 тамыз күні оқу жылына дайындықтың қорытынды статистикасы шығады.