Қазақстан. 28 сәуір. 7kun.kz – "Самұрық-Қазына" АҚ құрамына кіретін компаниялар қызметкерлерінің жалақысы 5-тен 40%-ға дейін көтеріледі, бірақ бұл басшыларға қатысты емес, деп хабарлайды 7kun.kz.

Қазақстанда халықтың табысын арттыру бағдарламасы қабылданды. Оны жүзеге асыруға 197 млрд теңге бөлінді. Квазимемлекеттік компаниялардың басшыларынан өзге өндірістік қызметкерлер жоғары жалақы алатын болады.

Бұл туралы ҚР Премьер-Министрінің орынбасары Ералы Тоғжанов айтты. Ол жалақының өсуі инфляция деңгейінің өсуіне әкелетінін жоққа шығармады.

«Әрқашан жалақының күрт өсуі инфляцияның өсуіне әсер етеді. Бірақ бұл біз ештеңе істемеуіміз керек дегенді білдірмейді. Жүйелі және жедел шаралар бар. Олардың оперативтілері жеке компаниялардағы жалақыны нақты арттыруға бағытталған. Бүгінгі таңда орташа жалақы туралы мәселе бекер емес, өйткені барлық жерде орташа жалақы нақты объективті мәліметтерге сәйкес келмейді», - деді Премьер-Министрдің орынбасары.

Ол барлық бюджеттік ұйымдар мен ірі өнеркәсіптік кәсіпорындар өз бюджеттеріне қызметкерлердің жалақысын индекстеуді үнемі енгізетінін атап өтті. Сондықтан олар үшін инфляция қорқынышты болмауы керек.