Алматы. 6 ақпан. 7kun.kz – «СарыарқаАвтоПром» ЖШС логистикалық кәсіпорындар үшін MAN жүк техникасының 20 бірлігін жеткізуге келісім-шартқа қол қойды, - деп хабарлайды компанияның баспасөз қызметі.

«Қазіргі уақытта Еуро 5 стандартты 10 ершікті тартқыш MAN жүк тасымалдау саласында қызмет көрсететін компанияларға, сұйытылған газды тасымалдауға арналған тағы да 10 жүк көлігі 2019 жылдың бірінші тоқсанында жөнелтіледі», - деп атап өтті компанияда.

Globalink логистикалық компаниясы 10 тартқышты сатып алды, тағы 10-ы «Қазтеміртрансракт» ЖШС және «Евротехогогаз» ЖШС компанияларына жіберіледі.

2018 жылы AllurGroup және өзбек өндірушісі «MAN Auto – Uzbekistan» Қостанайдағы «СарыарқаАвтоПром» зауыты алаңында MAN жүк көліктері мен автобустарын бірлесіп өндіру туралы меморандумға қол қойды.

«Өткен жылы біз барлық қажетті рұқсаттарды алдық, сынақтан өтіп, тартқыштарды өндіруге кірістік. 2019 жылы аталған жүк көліктерін жеткізуді ұлғайтуды жоспарлап отырмыз», - деп атап өтті компанияда.

«JV MAN Auto-Узбекистан» Самарқанд облысындағы MAN брендімен ірі тоннажды коммерциялық жабдықты өндіретін өзбек-герман кәсіпорны. Өзбек тарапынан кәсіпорынның негізін қалаушы «Узавтосаноат» (51%), неміс тарапынан MAN Truck & Bus AG (49%) серіктесі болып табылады.

«СарыарқаАвтоПром» ЖШС AllurGroup құрамына кіреді. СарыарқаАвтоПром өндірістік алаңдарында Peugeot, JAC, Hyundai, Avon, Chevrolet Niva автомобильдері, Iveco, JAC, МАN коммерциялық техникасы және Iveco және Ankai автобустары өндіріледі. Барлығы 50-ден астам модельдер бар.