Астана. 25 қараша. 7kun.kz – Үкімет сағатында сенатор Дәурен Әділбеков Қазақстандағы ипотекалық бағдарламалардың қолжетімсіз екенін айтты, деп хабарлайды 7kun.kz.

Депутаттың айтуынша, мемлекеттік бағдарламалардың болуына қарамастан, халық үшін жеке тұрғын үй сатып алу қиын.

Сыйақы мөлшерлемесінің диапазоны «Отбасы Банкі» АҚ-да жылдық 3,5-7%-дан, 19%-ға дейін және одан жоғары – елдің ипотекалық портфелінің 35%-дан астамын құрайтын екінші деңгейлі банктердің коммерциялық бағдарламалары бойынша ауытқиды. Салыстыру үшін, Еуропадағы ипотекалық бағдарламалар АҚШ-та 1,4%, Австралияда 4,9% орташа мөлшерлемемен үй шаруашылықтарына несие береді», – деді сенатор.

Ол танымал «7-20-25» ипотекалық бағдарламасының шарттары да өзектілігін жоғалтып жатқанын атап өтті.

«7-20-25» негізгі шектеуі тұрғын үй құнының төмен шегі және тек бастапқы нарыққа бағдарлануы. Бұл бағдарлама бойынша қайталама нарықта объектілерді сатып алу мүмкін емес, салдарынан үй таңдау айтарлықтай шектеледі. Ипотекалық несиенің қолжетімділігінің жаһандық рейтингінде Қазақстан әлемнің 111 елінің қатарында Молдова, Моңғолия, Албания, Латвия, Эстония және т.б. елдерден 71-орында ғана тұр», – деді Дәурен Әділбеков.