Алматы. 27 шілде. 7kun.kz - Алматы обылысында болған ұшақ апатынан пилот Хамит Ақбергенов пен шаруа қожалығының басшысы Мәсімжан Мәсімов қаза тапты. Бұл туралы Панфилов аудандық прокуратурада хабарлады.

"Ұшақ бортында 2 адам болған. Олар: пилот, Қарағанды облысының тумасы, 1963 жылы дүниеге келген Ақбергенов Хамит Абдулхамитұлы және жолаушы, "Аршидинов" ШҚ басшысы, 1978 жылдың тумасы Мәсімов Мәсімжан Мұхаметұлы", - делінген хабарламада.

Еске салсақ, 2017 жылдың 27 шілдесінде Алматы облысы, Панфилов ауданы, Шолақай ауылында ЯК12 ұшағы апатқа ұшырап, екі адамның қаза тапқанын хабарлағанбыз.