«Ауыл шаруашылығындағы кооперациялар туралы» заң жобасы шағын фермалар үшін мемлекеттік қолдауды қарастырады. Сонымен қатар, олардың арасындағы бәсекелестікті арттырады. Бұл туралы бүгін Орталық коммуникациялар қызметінде өткен брифинг барысында ҚР Ауыл шаруашылығы вице-министрі Ермек Көшербаев мәлім етті.

"Жалпы, бұл заңды қабылдаудың қажеттілігі қайдан туындады десек, қазір еліміздегі шағын фермалар мемлекеттік қолдау шараларынан тыс қалып жатыр. Сондықтан, шағын фермаларды кооперативтерге біріктіру бүгінгі мемлекеттік қолдау шараларына жол ашады. Мемлекеттік қолдау шаралары дегеніміз – шаруаларды қаржылай сауықтыру, қарызды кепілді түрде сақтандыру, екінші деңгейлі банктер арқылы жұмыс істеу", - деп атап өтті Е.Көшербаев. Е.Көшербаев хабарлағандай, қазір заң жобасы Парламент Мәжілісінде қаралып жатыр.