Алматы. 29 сәуір. 7kun.kz – Шымкентте құрамында резеңке бар қалдықтарды өңдеу зауыты іске қосылмақ.

Қалалық әкімдіктен хабарлағандай, кәсіпорында полимерлі құмды композициядан жасалған бұйымдар шығарылады.

«Зауыт құрылысы үшін «Оңтүстік» индустриалды аймағында 1,5 га жер телімі бөлінді. Жоба 65 млн теңгеге «Абдуманап М.» жеке қаражатымен жүзеге асырылуда. Қаржыландырудың кешіктірілуіне байланысты құрылыстың аяқталуы 50%-ды құрайды», - деп қосты ведомствода.

Қазіргі уақытта кәсіпорын ішкі нарықта айына 1,5 мың дана өнім шығарады және өткізеді. Зауыт толық жобалық қуаттылыққа 2019 жылдың соңына дейін шығады деп күтілуде. Сонымен қатар жақын және алыс шетелдерге экспорттау жоспарланып отыр.