Алматы. 27 қараша. 7kun.kz — Қазіргі уақытта Қазақстанда ресми түрде 150 микроқаржы ұйымы жұмыс істейді, яғни, банктерге қарағанда 4,5 есе көп. Дегенмен, барлық қазақстандықтар микрокредиттерге және басқа МҚҰ қызметтеріне тең дәрежеде қол жеткізе алмайды. Бұл орайда микрокредиттерге қол жетімділік оңтүстік өңірлердің тұрғындарына тиесілі, деп хабарлайды ranking.kz.

Салыстырар болсақ, оңтүстік аймақтарда 109 ресми МҚҰ кеңселері бар, ал солтүстік аймақтарда тек 72 ұйымның кеңселері ашылған. Айта кету керек, Қазақстанның батысында шағын несие ұйымдарының өкілдіктерінің шоғырлануы шығысқа қарағанда жоғары (35 – 20).

Қазақстанда МҚҰ-ның барынша шоғырлануы – Алматыда. «Оңтүстік астананың» кәсіпкерлері микрокредиттер беретін кемінде 50 ұйымға қол жетімді. Екінші орында - ОҚО, облыстық микрокредит нарығында 30 ұйым жұмыс істейді. Жергілікті микрокредиттік нарықтардың ең дамыған микрокредит нарығының үштігіне Астана да енеді. Онда шамамен 25 МҚҰ қызмет көрсетеді.

KMF-тің аймақтағы белсенді қызметі микрокредиттер нарығында оның көшбасшылығын айқындайды - компания нарықтың 50 пайызынан астамын құрайды. 2017 жылы оның несие портфелі 29,3 млрд теңгеге немесе 71,7 пайызға ұлғайды.

KMF-тің несие портфеліндегі ең үлкен үлесі Оңтүстік Қазақстан облысы (27 пайыз), Алматыдағы кеңселер – 15 пайыз, Алматы облысы - 13,1 пайыз, Жамбыл филиалына – 13 пайыз тиесілі.