Алматы. 20 мамыр. 7kun.kz — Илон Масктың SpaceX ғарыш компаниясы АҚШ үкіметіне мемлекеттік келісім-шарттарға байланысты талап арыз берді. Бұл туралы The Washington Post жазады.

Құжатта атап өтілгендей, талап-арыздың мәтіні жарияланбауы тиіс, өйткені ол «құпия және қызметтік ақпаратты және жария болуға тиіс емес өнім берушілерді таңдау туралы мәліметтерді» қамтиды.

Өтініш АҚШ федералдық сотына берілді. Ведомство үкімет тарапынан сатып алулар мен келісім-шарттар бойынша талаптарды қараумен айналысады. Арыздың құпиялылығы туралы түпкілікті шешімді сот қабылдайды.

Әзірге SpaceX қандай келісім-шартқа шағымданғаны түсініксіз. Басылым талап-арыз АҚШ-тың ӘӘК ғарыштық ұшыруларға ірі келісім-шарттарды дайындауды бастаған кезде пайда болғанын атап өтті. Олардың әлеуетті құны бірнеше миллиард долларға жетуі мүмкін.

Айта кетейік, 2014 жылы SpaceX АҚШ-тың ӘӘК-нің United Launch Alliance-ке зымыран-тасығыштарға тапсырыс беру туралы шешімін даулауға тырысып, америкалық үкіметке талап-арыз берді.

2018 жылы SpaceX үкіметтік спутниктерді іске қосу үшін зымырандарды әзірлеуге ВВС келісімшартынан ұтылды. Компания конкурстан шығып кетті, ал 2 млрд доллардың келісім-шартын United Launch Alliance, Northrop Grumman және Blue Origin өзара бөлісті.