Алматы. 19 қараша. 7 kun.kz — Банк 2018 жылы екінші рет қазақстандық қаржы секторына шетелдік инвесторлардың қаражатын табысты тартты, бұл соңғы 15 жылдағы ерекше оқиға болып табылады.

Қор индекстері есебіндегі негізгі көрсеткіш – бұл нарықтық капиталдандыру. Капиталдандыру банктің еркін саудадағы акцияларының негізінде анықталады. Яғни - акционерлік қоғамның акцияларын нарықтық бағалау бойынша.

Қазақстандық тарап жақында ғана "Tengri Bank" АҚ акцияларының 51% - ын иеленсе, 49% - ы үндістандық тараптан ірі серіктес-Punjab National Bank-ке тиесілі болды. Бүгінгі таңда шетелдік серіктестердің үлесі үндістандық кәсіпкерлердің инвестициялары есебінен 53,5% - ға дейін артты.

2018 жылдың 10 айының қорытындысы бойынша Tengri Bank активтері 15,7% - ға өсіп, 142,1 млрд теңгені құрады. Бұл ретте ақша мен оның баламалары 140,3% - ға, бағалы қағаздар 171,7% - ға өсті.

Үндістан мен Қазақстан арасындағы коммерциялық қатынастар айтарлықтай қарқын алуда. Үнді кәсіпкерлері біздің республикамызбен ұзақ мерзімді негізде  өзара тиімді бизнес-үдерістерді көреді. Сондықтан Tengri Bank екі ел арасындағы коммерциялық қатынастардағы сенімді және прогрессивті серіктес рөлін атқарады.

Tengri Bank барлық позициялар бойынша өсудің тамаша көрсеткіштерін көрсетеді.

Қазіргі уақытта меншікті капитал 4,5% - ға өсті, ал операциялық қызметтен түскен таза пайда 180,2% - ға өсіп, 3,0 млрд теңгені құрады.

2018 жылдың 10 айының қорытындысы бойынша пайыздық кірістер өткен жылдың сәйкес кезеңімен салыстырғанда 53,1% - ға өсті, ал пайыздық шығыстар 42,5% - ға өскен. Таза комиссиялық кірістер 3,6 есе, 547 млн теңгеден 1 989 млн теңгеге дейін артты. Біздің еліміздің аумағында жұмыс істейтін, сондай-ақ Қазақстанмен ұзақ мерзімді серіктестік қарым-қатынас жасауға ниеті бар коммерциялық кәсіпорындардың үндістандық иелері еркін саудадағы Tengri Bank акцияларына қаражат салады.

2019 жылдың соңына дейін жарғылық капиталды 7,2 млрд теңгеге ұлғайту жоспарлануда, бұл банкке ҚР ҰБ пруденциялық нормативтеріне сәйкес капиталдың жеткіліктілігі бойынша өз позицияларын 18% - ға дейін жақсартуға мүмкіндік береді. Үндістандық инвесторлар акцияларының үлесі 61,6% - ға дейін өседі, осы деректерге сүйене отырып, "Tengri Bank" АҚ-ның Қазақстанның қатысуымен шетелдік банкке айналады деген тұжырым жасауға болады. Бұл халықаралық агенттіктердің рейтингтер әдіснамасына оң  әсер ететіні сөзсіз.