Нұр-Сұлтан. 15 маусым. 7kun.kz. Мемлекет басшысы Қазақстан Республикасы Президентінің жанындағы Ұлттық құрылтайды құру және Қазақстан Республикасы Президентінің кейбір жарлықтарының күші жойылды деп тану туралы Жарлыққа қол қойды. Бұл туралы Ақорданың баспасөз қызметі хабарлайды.

Қасым-Жомарт Тоқаев президент жанынан Ұлттық құрылтай құруды, ұлттық құрылтайдың ережесі мен құрамын бекітуді қаулы етті. Жарлық қол қойылған күнінен бастап қолданысқа енгізіледі.

Ережеге сәйкес, Ұлттық құрылтай  ҚР президентінің жанындағы консультативтік-кеңесші орган. Оның негізгі мақсаты – қоғамдық бірігуді одан әрі дамыту бойынша идеялар мен қадамдар жасау.