Қазақстан Президенті Қасым-Жомарт Тоқаев жұма күні QazaqGaz (бұрынғы ҚазТрансГаз) ұлттық компаниясының басқарма төрағасы Санжар Жаркешовті қабылдады. Бұл туралы мемлекет басшысының баспасөз қызметі хабарлады.

Санжар Жаркешов газ саласын дамытудың кешенді жоспарының әзірленуі жөнінде баяндады. Аталған жоспар ресурстық базаны кеңейтуді және еліміздегі газ тасымалдау инфрақұрылымын жаңғыртуды көздейді.

Сондай-ақ, кездесуде құбылмалы геосаяси жағдайға байланысты туындайтын сын-қатерлерді еңсеруге бағытталған дағдарысқа қарсы шаралар талқыланды.

Кездесу қорытындысы бойынша Президент ұсынылған шешімдерді қолдап, толық аудит ұйымдастыру және компания қызметіндегі транспаренттілікті қамтамасыз ету жөнінде бірқатар тапсырма берді.

QazaqGaz – «Самұрық-Қазына» мемлекеттік қорының портфельдік компаниясы. Компания магистральдық газ құбырлары және газ тарату желілері арқылы тауарлық газды тасымалдаудың орталықтандырылған инфрақұрылымын басқарып, халықаралық транзитпен қамтамасыз етеді, сондай-ақ газды ішкі және сыртқы нарықтарда сатады, құбырлар мен газ қоймаларын әзірлейді, қаржыландырады және қолданысқа дайындайды.

Жалпы, QazaqGaz жалпы ұзындығы шамамен 76 000 км газ құбырларын, оның ішінде жылдық қуаты 267,8 млрд текше метрге дейінгі 20 000 км магистральдық газ құбырларын және ұзындығы шамамен 56 000 км газ тарату желілерін дайындайды.