Алматы. 2 қыркүйек. 7kun.kz – Мемлекет басшысы Қасым-Жомарт Тоқаев педофилия, зорлық-зомбылық және басқа да ауыр қылмыстар үшін жазаны қатаңдатуды талап етті. Ол бұл туралы Қазақстан халқына алғашқы жолдауында айтты.

«Біз азаматтардың негізгі құқықтарын елемей, заңнаманы ізгілендіруге әуестендік. Жыныстық зорлық-зомбылық, педофилия, есірткі тарату, адам саудасы және басқа да ауыр қылмыстар үшін, әсіресе балаларға қарсы жазаны жедел түрде күшейту қажет», - деді Тоқаев.

Сондай-ақ, мемлекет басшысы Үкіметке браконьерлікке қатысты заңнаманы қатаңдатуды және қылмыстың бұл түрін ұйымдасқан қылмыстың қауіпті түріне теңестіруді тапсырды.