Алматы. 21 маусым. 7kun.kz – Түркістан облысында 295 млн долларға тағы үш күн электр станциясын салу жоспарлануда.

Индустриялық-инновациялық даму басқармасының хабарлауынша, Кентау қаласында пайда болатын нысандардың жалпы қуаты 310 МВт құрайды. Мәселен, қуаты 200 МВт күн электр станциясының құрылысы 200 млн долларға бағаланып отыр.

«Қазіргі уақытта мемлекеттік акт алынды, құрылыс жұмыстары 2021 жылдан басталады деп жоспарлануда. Іске қосылғаннан кейін 200 адам жұмыспен қамтамасыз етіледі», - деп қосты ведомствода.

Келесі жылы құны 50 млн және 45 млн доллар болатын тағы екі күн электр станциясы салынады. Бірінші нысанның қуаты 50 МВт, ал екіншісі – 60 МВт құрайды.