Алматы. 16 шілде. 7kun.kz – Түркістан облысында 38,8 млрд теңге сомаға екі жобаны жүзеге асыру жоспарлануда. Бұл туралы облыстық кәсіпкерлік және индустриялық-инновациялық даму басқармасынан хабарлады.

Ақпаратқа сәйкес, жаңа өндіріс Түлкібас ауданында жұмыс істейтін болады.

«Аймақтағы Абаил кен орнында темір кенін өндіру мен байыту ұйымдастырылады, жобалық қуаты жылына 250 мың тонна кенді құрайды. Жобаның құны 31 млрд теңгеге бағаланады», - деп қосты басқарма.

Ведомствода атап өткендей, аймақта 7,8 млрд теңгеге тікелей қалпына келтірілетін темір өндіретін зауыт салынады. Кәсіпорынның қуаты жылына 240 мың тоннаны құрайды.