Порталдың ақпаратына сәйкес, қысқарту жұмыстары бөлімдер бойынша болады. Әзірге жұмыстан кететін қызметкерлердің саны белгісіз. Жұмысшылардың 50 пайызы инженерлер болғандықтан, қысқартудың ең көбі сол салада болады.

Штаттың қысқартылуының басты себебі -  Twitter-дің құрылымын өзгерту. Бұл компанияның тиімділігін арттыру үшін жасалып отырған қадам. "Біз болжамдар мен сыбыстарға түсініктеме бермейміз", — деді Twitter-дің төрағасы.

5 қазан күні Twitter-дің негізін қалаушылардың бірі  Джек Дорси ресми түрде компанияның бас директоры болып сайланды. Ал бұрынғы директор Дик Костоло өз қызметінен 30 қыркүйек күні кетті.

Twitter компаниясы 2006 жылы құрылған. Штаб пәтері  - Сан-Францискода (Калифорния штаты). Штатта қазіргі уақытта 4100 адам жұмыс істеп жатыр.