Астана. 18 сәуір. 7kun.kz - Ұлттық экономика министрі болған Қуандық Бишімбаевқа қатысты тергеу аяқталды. Қазір сот процесіне дайындық жүріп жатыр екен. Бұл туралы министрдің адвокаты мәлімдеді, деп жазады 31.kz.

2017 жылы 10 қаңтарда ұсталған Қуандық Бишімбаевқа аса ірі көлемде пара алды деген айып тағылып отыр. Ол "Бәйтерек" холдингін басқарған кезде әйнек шығаратын зауыттың құрылысына бөлінген қаржыдан 1 миллиард теңгені жымқырған деген күдік бар. Тергеу материалдарына қарағанда, министрдің өзі 2 миллион АҚШ долларын қалтасына басқан.