Алматы. 25 қазан. 7kun.kz - Американдық Yahoo! интернет-компаниясы АҚШ пен Израильдегі 200 млн қолданушыға 50 млн доллар өтемақы төлеуге келісті. 2013 жылы болған шабуыл 3 млрд есептік жазбаға қауіп төндірді, деп жазады vestifinance.ru Кез келген Yahoo пайдаланушысы өтемақы талап ете алады: мысалы, егер оның жеке деректерін ұрласа немесе ол қаржылық қиындықтарға тап болса. Yahoo премиум-аккаунты үшін жыл сайын 20-дан 50 долларға дейін төлейтін пайдаланушылар осы соманың 25%-ын қайтаруға үмітті. Yahoo сондай-ақ зардап шеккендерге кредиттік шот бойынша қаражат қозғалысын бақылайтын All Clear сервисі қызметін пайдаланудың екі жылын төлейді. Бұл үшін компания әрбір клиентке 359 доллар төлейді. Yahoo осы мәселелерді шешуге жұмсалған әрбір сағат үшін 25 доллар көлемінде өтемақы төлейді. Шығындарды құжаттаған пайдаланушылар жоғалған уақыттың 15 сағаты үшін өтемақы талап ете алады немесе 375 доллар алады. Шығындарды құжаттамаған адамдар 5 сағат үшін өтемақы талап ете алады немесе 125 доллар алады. Дүйсенбі күні компания ұсынысы Сан-Хосе федералдық сотына қарауға жіберілді. Тыңдау 29 қарашаға тағайындалды.