Қырғыздар Қазақстаннан заңсыз мұнай тасымалдау күрт артты дейді. Елдің Экономика министрлігі баспасөз қызметінің gaznews.ru сайтына берген ақпаратында айтылғандай теңгенің құнсыздануынан кейін елге келетін заңсыз мұнай өнімі көбейе түскен.

Ел үкіметі енді мұнай өнімдерін «мұнай өнімдерін қауіпсіз тасымалдау» талаптарына сай құжаттар мен «тасымалдаушы мен жүк қабылдаушының салықтық тіркеу» құжаттары болмаған жағдайда кіргізуді шектейтін Қаулы қабылдамақ. Үкімет бұл Қаулының жеке қолданысы үшін мұнай өнімдерін тасымалдайтын жеке тұлғаларға қатысы жоқ деп отыр.