Қытайлық компаниялар қазақстандықтық серіктестермен бірлескен кәсіпорын ашып, ұшақ өндірісін бір жолға қоюға даяр. Бұл жөнінде Алматы қаласында өткен қор нарықтарының Қытай-Ортаазиялық форумында авиациялық өнеркәсіп корпорациясының вице-президенті Сяндон Ву мәлімдеді.

«Біз бірнеше бағыттарда қазақстандық серіктестермен бірлесе отырып жұмыс жасай аламыз. Бірінші - машина жасау. Мәселен, біз бірлескен ұшақ жасайтын кәсіпорын аша аламыз. Осылайша, қытайлықтар тарапынан стратегиялық серіктестер шақырылып, қажетті өнімдер мен жобалар жасалатын болады. Екінші бағыт - Қазақстан үшін маңызы зор болатын технопарктер ашу. Үшіншісі - қазақстандық жақ пен қытайлықтар жағының серіктестігі орта және алыс қашықтықтағы әуе тасымалдарын жақсартуға жол ашады. Әуе тасымалдарының келешегі зор. Себебі, Қазақстанның жері кең байтақ», - дейді Сяндон Ву.