Шыңжаңның Синьюань уездінің тұрғыны Еэркэньцзян Хуцзятихань ойлап тапқан энерготиімді пешін Қазақстанға сатудың арқасында миллионер болды деп жазады «Жэньминь Жибао» газеті.

Туохай ауылының тұрғыны өнертапқыштыққа қажеттіліктен барған. Қыс түсе жергілікті шаруалар тамақты пеште дайындауға көшеді. Алайда көмірді көп жағуға тура келеді. Бұл тығырықтан шығу үшін  шаруа 2011 жылы энерготиімді пеш ойлап тауып, патент алған. Ал, 2012 жылы оған мемлекетке алынған жері үшін берілген 255 мың юань көлеміндегі өтемпұлға пеш жасайтын зауыт ашқан. Қазіргі кезде айына 4 мыңға жуық пеш сатылады екен. Оның басым бөлігі Қазақстанға жіберілетін көрінеді.