Өзбекстанда 1 АҚШ долларының сомға шаққандағы бағамы 11500 сомға жетіп, тарихи көрсеткіш орнатты, деп хабарлайды 7kun.kz.

Бұл өткен жылдың соңындағы статистикадан 5,5%-ға артық. Өзбекстанның Орталық банкі белгіленген валюта бағамын ұстанатынын ескерсек, USD-UZS жұбының 5%-дан астам өсімін толыққанды девальвация ретінде қарастыруға болады.

Өзбекстан билігі тұрақтандыруға тырысатын көрсеткіштің мұндай құнсыздануы украиналық әскери-геосаяси күйзелістің салдарымен байланысты. Атап айтқанда, сауда әріптес елдердің валюталарының құнсыздануымен және ресейліктердің қолма-қол долларға сұраныстарының артуынан туындап отыр.