Бірыңғай жинақтаушы зейнетақы қорының (БЖЗҚ) зейнетақы активтері наурызда 13 трлн теңгені құрады. Бұл туралы ҚРҰБ төрағасы Ғалымжан Пірматов айтты, деп хабарлайды 7kun.kz.

Жыл басынан бері инвестициялық кіріс шамамен 304,9 млрд теңге, зейнетақы жарналары – 383,7 млрд теңге, зейнетақы төлемдері – 64,5 млрд теңге болды.

«2021 жылғы ақпаннан бастап зейнетақы жинақтарын мерзімінен бұрын алу бойынша орындалған өтініштер саны 1,7 млн, сомасы 3,4 трлн теңге болды. Оның ішінде тұрғын үй мәселелерін шешуге 3,1 трлн теңге (91,2%) тиесілі», – деді Пірматов.

Зейнетақы активтерінің кірістілігі 10,4% болды.