Алматы. 5 қыркүйек. 7kun.kz – Жамбыл облысында жоғары сапалы минералды тыңайтқыштар шығаратын зауыт салынады. Қазақстан-Ресей зауытының құрылысына 1 млрд доллардан астам қаржы жұмсалмақ.

Жарияланған қаулыға сәйкес, Жамбыл облысында 2019-2024 жылдары жаңа кәсіпорын салынатын болады. Жоғары сапалы минералды тыңайтқыштар шығаратын зауыттың қуаты жылына 1 млн тоннадан кем болмайды.

«Жоспарланған инвестициялардың жалпы сомасы 1 млрд доллардан асады. зауытты пайдаланудың болжамды кезеңі – кемінде 50 жыл», - делінген құжатта.

Бұдан басқа, химиялық кешен бөлігінде және аралас салаларда 1,2 мың жұмыс орнын құру жоспарлануда. Құжатта аталып өткендей, кәсіпорында қазақстандық кадрлардың 80%-ы кәсіпорында жұмыс істейтін болады. Ал шетелдік мамандарды тарту тек жұмыс рұқсаттары бойынша ғана өтетін болады.

«Рұқсат осы бапта және қазақстандық заңнамада белгіленген тәртіппен, күшіне енген күннен бастап құрылыс аяқталған күннен кейін бір жыл өткен күнге дейін, осы бапта көзделген ерекшеліктерді ескере отырып берілетін болады», - делінген құжатта.