Жапония. 29 мамыр. 7kun.kz – Жапондық Токо арман қуудың арты не болатынын көрсетіп, әлеуметтік желілердің нағыз кейіпкеріне айналды. Күншығыс елі тұрғынының төрт аяқты жануарларға деген сүйіспеншілігі соншалық күшті, оның өзі ит болғысы келді. Ол физикалық түрде жануарға айналу мүмкін емес болғандықтан, Токо мәселеге басқа жағынан қарауды шешті, деп хабарлайды 7kun.kz.

Жапондық колли тұқымды иттің толық костюмін жасау үшін екі миллион иенді (шамамен жеті миллион теңге) аямады. Ол үшін Токо мүсіндер мен фильмдерге арналған модельдер жасайтын фирмаға жүгінді. Мамандар 40 күнде ит қаңқасының құрылымы мен тапсырыс берушінің параметрлерін ескере отырып, костюм жасап шығарды.

Енді Токо ит сияқты өмір сүруді үйреніп, YouTube үшін бейнероликтер түсіруде. Онда ол батыл қозғалыстармен тәжірибе жасап, пинг-понг добымен ойнап, процеске толығымен кірді.