Жапония. 8 шілде. 7kun.kz – Жапонияның бұрынғы премьер-министрі Синдзо Абэ қастандықтан кейін қайтыс болды, деп хабарлайды NHK.

Бұрынғы премьер-министрге қастандық 8 шілдеде таңертең Жапонияның батысындағы Нара қаласында жасалды. Полиция шабуылдаушыны қылмыс орнында ұстап, саясаткер ауруханаға жатқызылды.

Жапондық NHK телеарнасының хабарлауынша, Абэге оқ атқан адамның аты Тецуя Ямагами. Ол алғашқы куәлігінде, экс-премьерге көңілі толмайтынын, оны өлтіргісі келетінін айтты.

Сондай-ақ, Абэде оқ атқан адам Әскери-теңіз күштерінде қызмет еткені анықталды.