Малайзияға барған туристер енді салық төлейді

Малайзияға барған туристер енді салық төлейді
Көрнекі сурет addin.kz сайтынан алынды.

Куала-Лумпур. 7 маусым. 7kun.kz — Малайзия билігі 1 тамыздан бастап «туристерге салық» енгізеді. Салық сомасы турист таңдаған қонақ үй санатына байланысты болады. Бұл туралы New Straits Times газеті жазды.

Қонақ үйге тұрақтаған жергілікті және шетелдік тұрғындардың барлығы да салық төлегенде саяхат мақсаты ескерілмейді. Бес жұлдызды қонақ үйде тұру үшін шекті баға 20 рингит ($4,6), төртжұлдыздыда — 10 рингит ($2,3), үшжұлдыздыда — 5 рингит ($1,2).

Малайзияның Туризм және мәдениет министрі Назри Абдул Азиз айтқандай егер Малайзия қонақ-үйлері кем дегенде 620 пайызға толығатын болса, қазынаға мұндай салық түрінен 654 млн рингит ($153 млн) түсім түседі.