Moody’s агенттігі Қазақстанның банк жүйесіне жағымсыз болжам берді

Moody’s Investors Service агенттігінің Қазақстанның банк жүйесі бойынша болжамы жағымсыз болып қала беруде деп жазылған халықаралық рейтинг агенттігінің хабарламасында.

«Банк жүйесі бойынша 2008 жылдан бері өзгеріссіз болып келе жатқан болжам Қазақстан үшін жағымсыз болып қала беруде (Baa2, тұрақты)», — делінген Moody’s таратқан ақпаратта.

12-18 айға арналған болжамда 2016 жылдың аяғына таман жергілікті валютаның 20% девальвациясы аталады, бұл жүйенің 30% несие қоржыны үшін қарызды өтеуді айтарлықтай қиындатады, себебі бұл қарыз шетел валютасында берілген.

«Валюта девальвациясынан капитал жеткіліктілігінің коэффициентіне көрсетілетін қысым артуы мүмкін, себебі 2015 жылы банк несиелері құнының өсімі 2014 жылы берілген барлық несиелер көлемінен 1,5% шамасында алған деңгейден екі есе артық болуын күтеміз», — делінген Moody’s агенттігінің «Банк жүйесі бойынша болжам: Қазақстан» есебінде.

Жоғары пайыз мөлшерлемесіне және шетел валютасындағы депозиттер пайдасына ауысуға байланысты провизияларды орналастырғанға дейінгі кірістілікке қорлануға жұмсалатын жоғары шығындар жағымсыз ықпал көрсетеді.

«Банктер қызметінің ортасы, мұнайдың төмен бағасы және ТМД-ның өзге елдеріндегі экономикалық құлдырау, 2015 жылы ЖІӨ 1,5% өсім көрсеткен жағдайда, банктер жұмысының сапасына біртіндеп ықпал етеді, ал мемлекеттік және корпоративтік шығындардың төмен деңгейі үй шаруашылықтарының несиелерді төлеу, қарыздарға деген сұранысты шектеу және сауда, құрылыс пен жылжымайтын мүлік секілді секторларға залал тигізу қабілетіне әсер етеді», — деп мәлімдеді Moody’s аналитигі Семен Исаков.

Агенттік сарапшыларының айтуынша, «қазір жұмыс істеп жатқан несиелер активтерінің сапасы нашарлайды деуге болады, дегенмен жуырда мемлекет ішіндегі салық заңнамасында болған өзгерістерден кейін жұмыс істемейтін несиелердің қатынасы төмендеуінің ықтималдығы жоғары, бұл банктерді жұмыс істемейтін қарыздарды есептен шығаруға ынталандырады».

«Валюта девальвациясы импортқа қатысты борышкерлердің бәсекеге қабілеттілігін жақсартады, бірақ жалпы алғанда шетел валютасындағы қарыздарға қызмет көрсету қиындай түседі, себебі олардың көбісі хеджерленбеген», — деп түсіндірді С.Исаков.