Қазақстан Президенті Нұрсұлтан Назарбаев 2016 жылы ауыл шаруашылығын дамыту үшін кең ауқымды акция өткізуді «Нұр Отан» партиясына тапсырды.

"Бес жыл бұрын менің бастамам бойынша, ел тәуелсіздігінің 20 жылдығында «Ауылдың гүлденуі — Қазақстанның гүлденуі» атты жоба жүзеге асырылды. Осы жылы да бүкіл ел бойынша патриоттық акцияны жүзеге асыруымыз қажет",- деді Н.Назарбаев. "Халықтың санының жартысына жуығы ауылды жерлерде тұрады. Бізді табысқа жеткізер қозғалтқышымыз болатын ауыл шаруашылығын дамытуға мүмкіншілігіміз бар. Мұны "Нұр Отан" партиясының барлық мүшелеріне берілген тікелей тапсырма деп санаңыздар",- деді ол.