Қазақстан қор биржасының 2016 жылдың 05 наурызындағы шешімімен KASE Директорлар кеңесінің төрағасы болып Қазақстан Республикасы Ұлттық Банкінің сақтандыруды қадағалау департаментінің директоры – Жанат Бостанұлы Құрманов сайланды. Бұл туралы KASE-нің ресми сайтында хабарланды.

"KASE Директорлар кеңесінің төрағасы болмаған немесе мүдделер шиелініскен жағдайда оны алмастыруға құқылы тұлға – Директорлар кеңесінің төрағасы, "Бағалы қағаздардың орталық депозитарийі" АҚ тәуелсіз директоры Азамат Мырзаданұлы Жолдасбеков сайланды", - делінген хабарламада.

Сондай-ақ, KASE 2016 жылдың 05 наурызындағы шешімімен Директорлар кеңесінің бюджеттік және стратегиялық жоспарлау Комитетінің төмендегі құрамын бекітті.

- А.Ш.Бабаев, "Казкоммерцбанк" АҚ Басқарма мүшесі – басқарушы директоры, "Казкоммерц Секьюритиз" АҚ Директорлар кеңесінің Төрағасы, KASE тәуелсіз директоры (Комитет төрағасы);

- Е.С.Әбдіразақов, "Сентрас Секьюритиз" АҚ Директорлар кеңесінің төрағасы; - А.Ө.Алдамберген, KASE Басқармасының төрағасы;

- А.М.Жолдасбеков, Директорлар кеңесінің төрағасы, "Бағалы қағаздардың орталық депозитарийі" АҚ тәуелсіз директоры;

- М.Ж.Ташметов, "Qazaq Вanki" АҚ Басқарма төрағасы, KASE тәуелсіз директоры (Комитет төрағасы болмаған немесе мүдделер шиеленісі туындаған жағдайда алмастыруға құқығы бар тұлға).