Алматы. 6 маусым. 7kun.kz - Талдықорған қалалық сотының үкімімен Алматы облысының кәсіпкерлік және индустриалды-инновациялық даму басқармасының басшысы Тамерлан Разбеков пен «АСПМК-519» ЖШС басшылығы сыбайлас жемқорлық қылмысы үшін cотталды, деп хабарлайды 7kun.kz.

Антикор таратқан мәліметке сәйкес, басқарма басшысы 2021 жылы ЖШС техникалық директоры және бас директорынан 96 миллион теңгеге орындалған жұмыстар актісіне қол қоюға ықпал еткені үшін жалпы сомасы 33 500 АҚШ доллары көлемінде пара алған.

ЖШС басшылығы 3 жылға бас бостандығын шектеу жазасымен сотталды. Разбековке 100,2 миллион теңге мөлшерінде айыппұл салынды. Ол енді өмір бойына мемлекеттік қызметте жұмыс істей алмайды.