Алматы. 08 тамыз. 7kun.kz — Қазақстанның сақтандыру нарығында аяқталған жарты жылдық, ҚР Ұлттық Банкінің мәліметтері бойынша, автокөлік иелерін міндетті сақтандыру бойынша сақтандыру сыйлықақылары мен төлемдердің кезекті өсуін көрсетті. Портфельде сақтандырудың осы түрі бар 17 қазақстандық сақтандырушы 2019 жылдың қаңтар-маусым айларында 36,4 млрд теңге жинап, алымды 2018 жылдың сәйкес кезеңімен салыстырғанда 15,3%-ға ұлғайтты.

Осыған ұқсас жағдай сақтандыру төлемдері саласында да байқалады, онда бірінші жартыжылдықтың қорытындылары бойынша автокөлік иелеріне төленетін төлемдер 19,3%-ға (2,3 млрд теңгеге) артып, шамамен 14,5 млрд теңгені құрады, бұл 2018 жылдың осы кезеңінде 12,1 млрд теңге болды.

Сақтандыру сыйлықақыларының көшбасшысы, реттеушінің статистикасына сәйкес, 2019 жылғы 1 шілдедегі жағдай бойынша үш сақтандыру компаниясы ("Евразия" СК – 7,8 млрд теңге, "Халық" СК – 6 млрд теңге, "НОМАД Иншуранс" СК – 5,3 млрд теңге) болды. Олар 19,2 млрд теңге жинады, бұл ретте осы компаниялардың сыйақылары барлық сақтандыру компанияларының жиынтық төлем көлемінің 52,6%-ын құрады.

Сақтандыру төлемдеріне келер болсақ, алғашқы үштікке келесі компаниялар кірді: "Еуразия" СК - 3,1 млрд теңге, "Халық" сақтандыру компаниясы – 1,7 млрд теңге, "Коммеск-Өмір" СК – 1,5 млрд теңге, осы компаниялардың төлемдері барлық сақтандырушылардың жиынтық төлем көлемінің 44,6%-ын құрады.