"Бәйтерек" холдингі және «SREI Infrastructure Finance» үнді компаниясы инфрақұрылымдық жобаларды іске асыруда ынтымақтастық орнатуға келісті деп хабарлайды холдингтің баспасөз қызметі.

Үндістанның премьер-министрі Нарендр Модидің Астанаға сапары алдында тиісті уағдаластыққа қол жеткізілді. Уағдаластықты Өзара түсіністік туралы меморандумында бекіту жоспарланады, құжат егжей-тегжейлі қарастырылғаннан кейін, оған «Бәйтерек» холдингі мен «SREI Infrastructure Finance» компаниясының басшылығы қол қояды. Атап айтқанда, тараптар экономикалық ынтымақтастықты ынталандыру мақсатында инфрақұрылымдық даму мәселелері бойынша компаниялар арасында ақпаратпен алмасуға, сондай-ақ тұрақты негізде консультациялар жүргізуге, ынтымақтастықтың ағымдағы және перспективалы мәселелерін талқылауға қатысты келісімге келді. "Жалпы, 2014 жыл табысты болды. Біздің активтеріміз - 12,7 млрд. долларды, табысымыз - 934,6 млн. долларды, таза кіріс - 223,7 млн. теңгені құрады. Fitch Ratings және S&P халықаралық рейтинг агенттіктері Бәйтерек холдингіне "BBB+" және "BBB" ұзақ мерзімді кредит рейтингтерін берді. Өткен жылы бір 15 кәсіпорынды пайдалануға тапсырдық, оның нәтижесінде шамамен 2 400 жұмыс орны ашылды", - деп мәлімдеді Қазақстан-Үндістан бизнес форумында "Бәйтерек" холдингі басқарма төрағасының орынбасары Алина Алдамберген. 2014 жылы Холдинг халықаралық қаржы ұйымдары мен банктер арқылы 2,2 млрд доллар шетелдік инвестиция жұмылдырды. Ақпарат көзі: ҚазАқпарат