Аустралиялық ІТ-кәсіпкер Крейг Райт өзінің Bitcoin криптовалютасын құрастырғанын мәлімдеді. Бұл туралы ол ВВС, GQ және Economist журналдарына берген сұхбатында хабарлады. 

ВВС-дің мәліметінше, ол дәлел ретінде журналистерге осыған дейін белгілі болған биткойндар топтамасына қолжеткізе алатындығын көрсеткен. Дегенмен Economist бұл дәлелдерді толық сенуге болмайды деп тапты. Өткен жылдың желтоқсанында аустралиялық полиция Райттың пәтері мен кеңсесінде тергеу жүргізген. Бұған криптовалютаны ойлап табушы “Satoshi Nakamoto” атты құпия есімнің Крейг Райтқа тиесілі деген қауесеттер себеп болды. Bitcoin мемлекет тарапынан бақыланбай, қылмыстық ортада танымалдылыққа ие болғандықтан құзырлы органдар бұл валютаға күдікпен қарайды.