Алматы. 4 қаңтар. 7kun.kz – Бағасы 1,3 млн доллар тұратын әлемдегі ең қымбат бөтелке Копенгаген қаласындағы  «Кафе 33»  барынан ұрланған. Бұл туралы аталған бардың иесі Бриан Ингберг TV-2 телеарнасына айтқан.

Арақтар коллекциясымен айналысатын Бриан Ингбергтің  айтуынша, ұры үш минуттың ішінде ғимаратқа кіріп, алтын мен күмістен жасалған салмағы алты келі тұратын «Руссо-Балт» арағының бөтелкесін алып кеткен.

«Бұл әлемдегі ең қымбат арақтың бөтелкесі, менің 1200 арақ бөтелкесінен тұратын коллекциямның жауһары болатын»,-деді журналистерге коллекционер.

Ұрланған бөтелке ақ, қызғылт және сары алтыннан жасалыпты. Бөтелкені дайындаушы компания ыдыстың құрамына гауһар қосылғанын да айтқан.