Алматы. 6 маусым. 7kun.kz - Алматы қалалық сотының баспасөз қызметінің мәліметінше, 3 маусым күні Алматының ауданаралық соты Арман Жұмагелдиевтің қамауда ұстау мерзімін 7 тамызға дейін ұзартты, деп хабарлайды 7kun.kz.

Естеріңізге салсақ, бұған дейін "Дикий Арман" атымен танымал Арман Жұмагелдиев Нұр-Сұлтан сотының шешімі бойынша екі айға қамауға алынған. Кейінірек оның қылмыстық тобының мүшелері 24 бейбіт тұрғынды ұрлап, күштеп ұстағаны белгілі болды. Бұл туралы прокуратураның арнайы қызметінің басшысы Ризабек Ожаров мәлімдеген еді. 

Сонымен қатар, Бас прокуратура өкілі "Дикий Арман" мен оның қылмыстық тобының 14 мүшесі қамауда екенін айтты.