Доллардың теңгеге шаққандағы бағамы бірден 10 теңгеге арзандады деп хабарлайды 7kun.kz.

Қазақстан қор биржасындағы (KASE) күндізгі сауда қорытындысы бойынша доллардың орташа бағамы 10,13 теңгеге төмендеп, 473,61 теңге болды. Ал Ұлттық Банк бекіткен АҚШ валютасының 29 наурыздағы ресми бағамы 484,49 теңге.

Ақша айырбастау орындарында доллар 463-469 теңгеден, еуро 516-523 теңгеден, рубль – 5,1-5,6 теңгеден сатып алынып/сатылып жатыр.

Сонымен қатар, 29 наурыздағы сауда барысында әлемдік мұнай бағасы төмендеп жатыр.

Brent маркалы мұнайдың сәуірдегі фьючерстерінің құны 1,33%-ға арзандап, барреліне 108,03 долларды көрсетуде.