Қазақстан қор биржасының (KASE) 6 қарашаға арналған кешкі сессиясында доллардың орташа бағамы 310,85 теңге болды. Бұл туралы биржа сайтында хабарланды.

АҚШ долларына қатысты сауда көлемі кешкі сессияда 7 500 мың доллар болды. Валюта курсына қатысты жасалған келісім саны — 19. Еуромен ешқандай операция жүргізілмеді. Қазір Казком 1 долларды  309,50 теңгеден сатып алып, 311,50 теңгеге сатып жатса, Халық банк пен Сбербанк долларды 310 теңгеден сатып алып 312 теңгеге сатып жатыр. Естеріңізге салайық, 2015 жылдың 20 тамызынан бастап Қазақстан теңгені еркін айналымға жіберген еді. Теңгенің айырбас курсы нарықтық сұраныс пен ішкі және сыртқы макроэкономикалық факторларды ескере отырып ұсынылады. Фото: u-f.ru сайтынан алынды.