Алматы. 29 сәуір. 7kun.kz – Әлемдегі әскери шығындар 2018 жылы 1,82 трлн долларға дейін өсті, бұл бір жыл бұрынғыдан 2,6% артық, делінген SIPRI баяндамасында. Әлем елдерінің әскери шығындары екінші жыл қатарынан өсіп келеді және биыл 1988 жылдан бері ең жоғары деңгейге жетті.

Сонымен қатар, әлемдік ЖІӨ-дегі әскери шығыстардың үлесі өткен жылмен салыстырғанда төмендеді. 2018 жылы әлемдегі әскери шығындар әлемдік ЖІӨ-нің 2,1%-ын, ал бір жыл алдын 2,2%-ын құрады.

«2018 жылы әлемдік әскери шығыстардың жартысы АҚШ пен Қытайға тиесілі. 2018 жылы әлемдік әскери шығыстардың неғұрлым жоғары деңгейі осы екі елдегі шығындардың айтарлықтай ұлғаюының нәтижесі болып табылады», - деп атап өтті SIPRI Нан Тьян қару-жарақ және әскери шығындар бағдарламасының ғылыми қызметкері.

Ресей соңғы 12 жылда алғаш рет қорғаныс шығындары бойынша әлемдегі жетекші көшбасшылардың тізіміне кірмеді (ТОП-5). Бірінші орында АҚШ 649 млрд доллар, екінші орында - Қытай (250 млрд доллар), үшінші орында - Сауд Арабиясы (67,6 млрд доллар), төртінші орында - Үндістан (66,5 млрд доллар), ал бесінші орында - Франция (63,8 млрд доллар). Бірінші «бестіктің»елдеріне әлемдік әскери шығыстардың 60%-ы тиесілі.

Айта кетейік, 2017 жылы Ресей рейтингте Үндістан мен Францияны артқа тастап, төртінші орынды иеленген еді.

АҚШ-тың қорғаныс шығындары 2018 жылы бірінші рет 7 жылда 4,6%-ға артты. Қытайдың әскери шығыстарының өсімі 24 жыл қатарынан байқалады, 2018 жылы олар 5%-ға өсті.

Сондай-ақ, әскери шығындарды Орталық және Шығыс Еуропаның бірқатар елдері айтарлықтай арттырды. Мысалы, Польша қорғаныс шығындарын 2018 жылы 8,9%-ға - 11,6 млрд долларға дейін, ал Украина 21%-ға - 4,8 млрд долларға дейін ұлғайтты.

«Орталық және Шығыс Еуропадағы әскери шығындардың көбеюі көбінесе Ресейден келетін қауіп-қатерді қабылдаудың артуымен байланысты», - дейді SIPRI қару-жарақ және әскери шығындар бағдарламасының аға ғылыми қызметкері Питер Веземан.

НАТО-ға мүше елдер 2018 жылы қорғанысқа 963 миллиард доллар жұмсады, ал бір жыл бұрын альянстың шығыны 900 миллиард доллар болды.