Астана. 1 қараша. 7kun.kz – Ұлттық экономика министрі Әлібек Қуантыров казиноға 507 миллион теңге салған шенеуніктер жайында пікір білдірді, деп хабарлайды 7kun.kz.

БАҚ өкілдері министрге мемлекеттік қызметкерлер мұндай соманы қайдан алғаны туралы сұрақ қойды.

«Демек олар жинаған ақшасын жұмсайды. Егер адам құмар ойынға әуес болса, оның табысы мен қолда бар қаражатынан бөлек, басқа да кірісі болуы, іздеуі, қарыз алуы мүмкін деген сөз», – деді Қуантыров.

Айта кетейік, 19 қазанда Алматы облысындағы ойынханаларға мемлекеттік қызметкерлер 507 миллион теңге жұмсағаны белгілі болған еді.