Алматы. 15 қазан. 7kun.kz - 12 қазандағы сауда қорытындысы бойынша NASDAQ америкалық акциялары бір апталық құлдыраудан кейін өсті. Netflix қағаздары 5,75%-ға қымбаттап, $339,56 деңгейінде жабылды. Amazon қағаздары 4,03 %-ға көтеріліп, $1788,61 белгісіне дейін жетті. Бұлардың қатарын Apple (+3,57%), Microsoft (+3,46%) және Facebook (+0,25%) толықтырды. Бұл алаңда сауда жүргізетін қытайлық компания Alibaba да 3,80%-ға өсті. Жалпы NASDAQ индексі 2,19%-ға көтеріліп, 7184,85 пункт құрады.