Алматы. 11 қыркүйек. 7kun.kz – Қазақстанда түсірілген 15 сериалға лицензия тоғыз елге сатылды, деп хабарлады Ақпарат және қоғамдық даму министрі Дәурен Абаев.

Министрдің айтуынша, 2019 жылы республикада барлығы 43 сериал түсіріледі.

"Түсірілген сериалдарды шетелге сатуды бастадық. Мысалы, көршілес елдерге. 15 отандық сериалға тоғыз елге лицензия берілді. Біз мұны жалғастырамыз», - деді ол AstanaMediaWeek-2019-да.

Оның айтуынша, соңғы жылдары сериал өндірісі бизнеске айналды. Министр қазақстандық телеарналарда екі-үш жыл шетелдік телехикаялар белсенді көрсетілгенін, ал қазір қазақстандық телехикаялар пайда болғанын атап өтті.

Соңғы жылдары түсірілген кинолар бюджеттен белсенді түрде қаржыландырылады. Атап айтқанда, 2016 жылы мемлекеттік тапсырыс бойынша 16 сериал түсіріліп, 2019 жылы 43 сериал шығару жоспарланған. Абаевтың хабарлауынша, мемлекеттік тапсырыс бойынша сериалдарды өндіруге мемлекеттік телеарналардан басқа жеке компаниялар да қатысып жатыр.

Министр Қазақстанда түсіріліп жатқан сериялардың санына ғана емес, сапасына да мән беретіндігін атап өтті.

"Ең қарапайым жол - дайын өнімді сатып алу, эфирге шығару, ал шағын ел үшін нарықты дамыту, 18 миллион аудиторияны айтамын, бұл өте тиімді өнім емес. Сондықтан мемлекет отандық өндірушіні қолдауға шешім қабылдады және шын мәнінде біз барлық жағдайды жасадық", - деді Абаев.

Сонымен қатар, оның айтуынша, шешілуі керек мәселелер де бар.

"Қазір бізге қымбат сериалдарды түсіру өте қиын, себебі біз тарифтік кестемен жұмыс істейміз. Мүмкін, бізге сметалық нәрсеге көбірек қарау керек, яғни ақша бермей, "Не қалайсың соны түсір" деп айту қажет. Біз жоғары сапалы тарихи, мысалы сериалды түсіру үшін қажет мөлшерді қарастыруымыз керек. Сонда ситком мен тарихи сериалдардың арасындағы үлкен айырмашылықты түсінесіз", - деді Абаев.

Министр мемлекет отандық синематографқа қолдау көрсетуді жалғастыратынын атап өтті.

"Аталған бағытта үлкен жұмыс жүргізіп, қолдау көрсететін боламыз. Салық бойынша, әрине, қазір де барлық мәселелерді пысықтап жатырмыз. Менің ойымша, жыл соңына дейін жақсы жаңалық белгілі болады", - деді Абаев.