Алматы. 24 сәуір. 7kun.kz – 2019 жылдың қаңтар-ақпан айларында Қазақстан 5,1 млн долларға 18,3 мың тонна күріш экспорттады.

Жеткізу 8,8%-ға қысқарды. Өз кезегінде астық экспортынан түскен түсім 9,5%-ға төмендеді.

Күріштің ең үлкен көлемі Өзбекстанға сатылды. Екі айдың ішінде бұл ел 2,5 млн долларға 8,1 мың тоннаға жуық өнім сатып алды.

Тәжікстан 1,6 млн долларға 6,4 мың тоннаға жуық дәнді дақыл, Ресей – 595,5 мың долларға 2,6 мың тонна, Украина – 192 мың долларға 745,2 тонна сатып алды.

Сонымен қатар, Қырғызстан 40,9 мың доларға 204 тонна, Моңғолия 44,5 мың долларға 71,6 тонна, Түркіменстан 40,8 мың долларға 68 тонна, ал Әзірбайжан 26,8 мың долларға 67 тонна күріш сатып алды.