Алматы. 18 қаңтар. 7kun.kz – Respublica партиясы мемлекеттік тіркеуден өтті. Бұл туралы партия төрағасы Айдарбек Ходжаназаров хабарлады.

Достар, сүйінші! Біздің ресми өкіліміз Астана қаласының ХҚКО -ң  бірінде Respublica партиясының тіркеу құжаттарын қолына алды. Енді біз - еліміздің жаңа, ресми тіркелген саяси күшіміз! Бұл ұзақ апталар мен айлап күткен және бірнеше рет тіркеуге жіберілмеген сәтсіздіктерден кейінгі  - ортақ жеңісіміз!  Алайда, бұл сынақтар бізді тек ғана күшейтті», – деп жазды Партия басшысы Facebook парақшасында.

Сондай-ақ Айдарбек Қожаназаров партияның тең төрағаларын Сырымбек Тау, Руслан Берденов, Максим Барышев, Динара Шукижанова, Қуаныш Шонбай, Бейбіт Әлібеков және Нұрлан Қоянбаевты таныстырды.

Бүгінде Қазақстанда 7 саяси партия тіркелген:

• «Amanat партиясы;
• «Ақ жол» демократиялық партиясы;
• Қазақстан халық партиясы;
• «Ауыл» халықтық-демократиялық патриоттық партиясы;
• Жалпыұлттық социал-демократиялық партиясы;
• «Байтақ» қазақстандық жасыл партиясы;
• Respublica партиясы.
• Партия, жаңа партия, Қазақстан, Respublica партиясы.