Алматы. 30 сәуір. 7kun.kz – Шымкентте полиэтилен ойыншықтар өндірісі іске қосылды.

Қала әкімдігінің хабарлауынша, жоба «Оңтүстік» индустриялық аймағында жүзеге асырылды.

«Зауыттың қуаттылығы жылына 150 мың дана бұйымды құрайды. Өндірісті іске қосуға 60 млн теңге жұмсалды», - деп қосты ведомствода.

Қазіргі уақытта кәсіпорын Қазақстан аумағында айына 10 мың дана ойыншықты сатады.

«Жоба 100% аяқталды. Ойыншықтың құнын төмендету және сапасын жақсарту жолымен ішкі нарықты біртіндеп игеру жүріп жатыр. Сондай - ақ, Қырғызстан және Әзірбайжан кәсіпкерлерімен келісім-шартқа қол қою үшін келіссөздер жүргізілді», - деп түйіндеді әкімдік.